Monday, August 13

Jio tune deactivate ya band kaise kare.

Dosto aaj hamare yaha har dusre insaan ke paas agar koi sim hai to wo jio ki sim hi hai. Jis chij ko pane me dusre networks ko kai saal lage wahi jio ko ise pane me sirf ek saal laga. Jio ise achive karne me isliye kamiyab raha hai kyoki abhi tak isne bahut achchi service apne customer ko provide kari hai. Jio sasta hone ke sath - sath hame bahut sari service free me deta hai. Jisme se ek jio ki caller tune hai. Jio me aapko Free me caller tune use karne ki service di jati hai.
Jio tune deactivate ya band kaise kare.
Aap apni jio sim me 1 mahine tak koi bhi tune free me laga sakte hai aur jab aap ek mahine ke baad bhi ise chalu rakhna chahte hai to iske liye aapko kuch paise dena padte hai. Par agar aap ise 1 mahine se pahle hi deactivate kar dete hai to aapke paas fir se ek mahina hota hai aur is tarah se aap ise lifetime ya jab tak ye service hai tab tak free me use karke iska maza le sakte hai. Ab agar aap is trick ko use karke long time tak free me ise chalana chahte hai to aapko isko band karna aana chahiye to chaliye dosto jante hai ki Jio tune band kaise kare.

Iske liye hamne 2 tarike bataye hai aap koi bhi tarika use karke jio tune deactivate kar sakte hai.

Jio tune deactivate kaise kare

Mathod 1 by message
Sabse pahla tarika hai message ka isme bas hame apne jio number ( jis par caller tune band karna hai. ) se ek message sent karna hota hai aur jio tune deactivate ho jati hai. aap niche bataye steps follow kare.
 STEP -: 1  Iske liye aap apne phone ke message box me chale jaye aur ab hame message type karna hai. Aapko message me likhna hai -

STOP

 STEP -: 2  bas aapko message me stop hi likhna hai aur fir  56789  is number par ise bhej dena hai. Jaise hi aapka message sent ho jata hai aapko return me ek message aata hai jisme likha hoga "Congratulations your Jio tune deactivated successfully" Jiska matlab hai ki Jio se caller tune ko band kar diya gaya hai.
Mathod 2 by call
Ab jo dusra tarika hai isme aapko bas ek number par call karna hota hai aur uske baad jio customer care me aapko jio tune band karne ka option mil jata hai.

 STEP -: 1  Sabse pahle aap 155223 is number par call kare. Aapko usi jio sim se call karna hai jisme jio tune deactivate karna hai.
Jio tune band kare
 STEP -: 2  Jab call lag jata hai to aapko kuch option diye jate hai aap inhe sune aur fir ek option aapko tune band karne se related milega. Wo jo bhi number bole aap use press kare aapke jio sim me se jio tune band ho jayegi.
Koi mushkil kaam nahi hai ye ise aap badi aasani se band kar sakte hai aur ise fir se active karke lambe samay tak jio tune ka aanand le sakte hai. Jio caller tune kaise band karte hai iske bare me ab aapko samajh aagaya hoga lekin kuch puchna hai to comment karke puch sakte hai. Hum aapki puri help kar denge. Aapko post achcha laga hai to ise share kare.

No comments:

Post a Comment

apna comment kare