Ms-Excel (Microsoft Excel) kaise use kare.

Ms Excel, Microsoft Office ka hi ek Package software hai joki computer me Sheet banane, Excel Data Entry karne, Excele me jod lagane, Excel Result banane me sabse jyada use kiye jane vala software hai. Ms Excel ek tarah ka spreadsheet program hota hai. Isme hum badi hi aasani se Sheet,Table, Chart create kar sakte hai aur koi bhi bada se bada mathematical, logical calculation kar sakte hai. Iski ki madad se hum Excel me accounting bhi kar sakte hai. Excel ki adhik jankari ke liye Microsoft Excel kya hai hamari is post ko padh sakte hai.
Excel kaise use kare

Excel use Kaise Kare Puri jankari

Aaj hum Excel kaise use karte hai iske bare me janne wale hai jisme hum ise sabhi Tab jaise ki Excel Home Tab, Insert Tab, Page layout Tab, Formula Tab, Data Tab, Review Tab, View Tab, Developer Tab aur baaki sabhi tools ke bare me detail se janenge. Humne niche ek table banaya hai isme hamne Excel Tab ke sabhi Title de diye hai ki hum is article me aapko kya-kya batane wale hai.

Excel kaise use  kare puri jankari
Excel kaise open kare
home tab ki jankari
Insert Tab ki jankari
Page Layout Tab
Excel Formulas ki jankari
Data Tab in Excel
Review Tab ke bare me
Excel me View Tab
Developer Tab ki jankari

Computer me Ms Excel Open kare

Microsoft Excel ko use karne me sabse pahle hum Excel Open karne ke bare me janenge kyoki bahut sare logo ko Excel sheet open karna bhi nahi aata hai. Excel open karne ke liye vaise to kai sare tarike hote hai. Aapko bhi agar excel open karne ka tarika janna hai to niche diye Read More par click karke. Aap hamari Excel sheet kaise open kare is post ko padh sakte hai. Yaha par hamne detail se excel open karne ki jankari share kari hai.


Home Tab use kaise kare?

Excel use karne ki shuruat hum Excel ke Home tab se karenge. Excel ke home tab me hame 7 sub Groups dekhne ko milte hai.  Jaise ki - Clipboard,  Font Alignment, Number, Styles, Cells, Editing jisme hume Copy, Paste aur Cut iske alawa Format Pinter, Cells Marge, Border and Shading, Wrap Text, text ke liye Bullets (*) & numbering (1, 2, 3...) jaise bahut sare option Home Tab me dekhne ko milte hai.Jinka use hum ka sakte hai.

Insert Tab use kaise kare?

Excel me dusri tab hume Insert ki milti hai. Insert tab me total 5 Group hoti hai. Jaise- Table, Illustration, Chart, Link, Text.  Jinme kai tarah ki alag-alag option milte hai jinki help se hum Excel sheet me Table, Image, Clip art, Shapes, Smart Art, Sheet ko aasani se samjane ke liye Chart formats, Links, Word art, Symbol aadi milte hai. Jinki help se hum badi hi aasani se Excel sheet me kisi bhi other object ko sheet me dal sakte hai.

Page layout Tab se Page Setup kaise kare?

Excel me Page layout Tab, Is tab me hume Total 5 Group dekhne ko milte hai. Jaise- Theme, Page setup, scale to fit, Sheet option, Arrange. Jinki help se hum Excel sheet ki Theme ko change kar sakte hai. Sath hi Page Setup ki help se hum Excel sheet print karne ke pahle Printable area set kar sakte hai. Aur sirf selected area ko hi Print kar sakte hai. Sheet ke liye Background bhi set kar sakte hai. Arrange option ki help se Inserted object ko arrange jaise- Bring to Front, Send to back bhi kar sakte hai. 

Excel me Formula kaise lagaye?

Formula Tab, Excel me Text function formula me aapko 25 tarah ki alag command dekhne ko mil jayegi jinka use bhi different tarike se hi hota hai. Isme sabse pahli command Find hoti hai jiska kaam hota hai ki kisi word ki kya position hai, wo kon se number par hai iska pata lagaya jata hai. Jaise ki Lucky me c kitne number par hai. Iske alava Function library me Financial, Logical, Lookup & Reference, Math & Trig ke function formula milenge. Inke baare me aur adhik janne ke liye Read more par click kare.

Excel Data tab ki jankari

Data tab ka use, banayi gayi sheet ke data ko Analysis karne ke liye kiya jata hai. Isme 5 Group hote hai. Data tab ki Sort ka use karke Data ko ek special sequence me aur filter ka use karke sirf specific category ke data ko dekhne ke liye kiya jata hai. Data validation, Consolidate, What if analysis, Outline group Excel data analysis ko aur bhi powerful bana deta hai. Inki help se hum 2 sheet ke data ko ek sheet me, Maths tricky question solve, Selected cell ke liye data ki limit ko set kar sakte hai. Agar aap chahte hai ki Sheet me 4000 aur 10,000 ke bich ki value hi enter ho sake. To, aap Data validation ki help se cells ko esi limit de sakte hai. 

Review tab ki jankari

Review Tab, isme aapko 3 group dekhne ko milte hai. Pahla Proffing, iski help se aap Sheet me likhe jane vale words ke liye Spelling and Grammer, Word research, Translate ka use kar sakte hai. Jisse aapko shabdo ke liye sahi Grammer bhi mil jayegi aur use dusri bhasha me Translate bhi kar payenge. Comments, Iski help se aap sheet ke kisi Cell me Highlight ya dhyan rahne ke liye Comment Insert aur Delete bhi kar sakte hai. Changes, Yeh is Tab ka last group hai is group ki help se hum WorkSheet ya phir puri Workbook ko lock kar sakte hai vo bhi sirf special chijo ke liye jisse sheet to open hogi par sheet me new row ya column insert ya delete nahi ho payega.    

View tab ki jankari

View Tab, Is tab ki madad se hum Worksheet ke view ko change kar sakte hai. Sheet me Zoom level ko set kar sakte hai. Aur Excel me dikh rahe hai Menu, formula bar ko show/hide, Spilt, Macro ka use kar sakte hai. Macro ek bahut hi useful Tool hai jiski help se hum apne work ko record kar sakte hai aur ek click perform kar sakte hai.  

Developer tab- Secret Tab

Developer tool ek hidden tool hota hai ye pahle se excel me nahi hota hai ise hume excel me lana padta hai. Isme 5 Group hote hai. Data tab ki Sort ka use karke Data ko sequence me aur filter ka use karke sirf specific category ke data ko dekh sakte hai. Data validation, Consolidate, What if analysis, Outline group Excel data analysis ko aur bhi powerful bana deta hai. Inki help se hum 2 sheet ke data ko ek sheet me, Maths tricky question solve, Selected cell ke liye data ki limit ko set kar sakte hai. Agar aap chahte hai ki Sheet me 4000 aur 10,000 ke bich ki value hi enter ho sake. To, aap Data validation se esa kar sakte hai. 

In Conclusion

Finally is post se aapko MS Excel me Tab kaise use kare iski jankari to ho hi gayi hogi. Abhi bhi excel ke bare me janne ke liye bahut kuch bacha hai Hum keval ek post me excel to sikh nahi sakte hai. Excel se judi chijo ke bare me hum aage bhi janenge isliye aap hamari website ke sath jude rahe. Excel ki jankari ke liye aap abhi hamari website ko subscribe kare. Hamne niche bhi excel see jude kuch behtrin article share kiye jinhe aapko padhana chahiye.

No comments:

Post a Comment

apna comment kare